شو رايكم نعيش اسمى معاني الحب ....

حابة احكي عن شي زرعه الغرب ببلادنا وطلع ثمره الحنظل والعلقم
وصار وقت حصاده ومين برأيكم يلي عم يحصده؟؟
نحن يلي حصدنا
الجيل كله
بس يا ترى ايمتا بدنا نقلعه من جذوره؟؟من قلوب الشباب والبنات
ومع الاسف يلي زروعه نجحوا بأنهن اقنعوا الكتيرين انه هو البراءة وهو السعادة وهو سر النجاح
ويلي مو موجود عنده بيكون شخص مو طبيعي ومعقد مدري بكم عقدة!!
صرنا نشوفه كتير بالأغاني والمسلسلات والقصص والأفلام والأشعار والروايات
وبما انه أسلحة الإيمان عندنا ضعيفة وما عم تقدر تقاوم جيوش الباطل يلي بيمتلكوها
ولاننا تعودنا على الهزيمة بنفوسنا وضعفت العزيمة تمكن الداء مننا وعز علينا الدواء .
عرفتوا عن شو عم احكي؟؟
ومين بقصد؟؟؟
عم احكي عن الحب الغلط الحب المحرم
يلي صار يمشي بعروق جيلنا بين البنات والشباب إلا من رحم ربي ،
يا شباب الحب متله متل غيره من المفاهيم يلي تشوهت معالمها عند كتيرين
بتعرفوا ليش؟؟
لانه المنكر صار معروف والمعروف منكر
بس آآآآآه ياشباب لو تعرفوا شو معنى هل الكلام وعلى شو بدل؟؟؟
بدل على علامات الساعة انه قيام الساعة قرب كتير ونحن وين من هل العلامات؟
والله ياشباب هل الظاهرة يلي عم نشوفها هي وحدة من مخلفات الغرب المظلم.
يا شباب ممكن نتناقش ونحكي بواقعية شوي ونبعد عن هوانا بالتفكير؟
والله شو هل الحب
يلي بيبدأ بغضب الله
وبيكبر بالعتمة
وبينسقى بمعصية ؟؟!!

بالله عليكم واحكوا ضميركم
مو معظم كلام الحب بهل الايام بيوحي او بالاحرى بيصرح بعلاقة حرام بين الجنسين متل تعارف
واعجاب وبعدها حب
وبعده بيجي دور اللوم من الهجر
وبكى على غياب الحبيب .
والشي المضحك المبكي
لما بيصير التقرب من الله ومناجاته بهدف الوصال مع المحبوب.
بدي احكي مع أي حدى واقع بهل القصة
والها انت عم تتبع هوى نفسك
وانت عم تطلب الربح من وجهة نظرك
بس والله هذا مو ربح هذا الخسران بحد ذاته
ياشباب البني ادم بروحه مو بجسده
لازم نغذي روحنا ونعتني فيها
والله يا اخواني
يلي واقعين بهل المعصية
لازم تعرفوا انه كل محبة محرمة
هي باطلة ليوم القيامة ورح تنقلب بيوم من الايام بدون ادنى شك لعداوة!
! شو نسينا شو قال ربنا
(الْأَخِلاء يَوْمَئِذٍ بَعْضهُمْ لِبَعْضٍ عَدُوٌّ إِلَّا الْمُتَّقِين )
وانتو يا بنوتات نستيوا (والمتخذات أخدان) شو كان عقابهم ؟؟
لاحظوا تعبير القرآن ما قال الأحباب قال الإخلاء لانه الخلة هي المحبة يلي تخللت القلوب ،
ورغم العلاقة القوية في الدنيا يلي كانت تربطهم صاروا أعداءً .
والله لو تعرفوا شو الحب
الحب شعور بيخلينا نعمل أي شي ممكن يقربنا لربنا ،
لانه الحب شي بيسمو بالنفوس ومو الحب شهوة ومعصية .
الحب بيقول: حب لأخيك ما تحب لنفسك
آآآه يا شباب لو نكون نحن هل الجيل من المتحابون يلي بيظلهم الله تحت ظله يوم لا ظل إلى ظله .
والنعيم المقيم . قال تعالى ( والذين آمنوا أشد حباً لله)ياشباب شوفوا اخونا بغزة وبافغانستان عم يتقتلوا ويموتوا من البرد والجوع
والعراق يلي عم تبكي وتنوح وبنلاقي شباب كمان عنا عم يبكي وينوح من شو يا ترى؟؟؟
من جرح الحب
بس والله لازم يبكي من الغفلة يلي مسيطرة على قلبه
والاعظم من هيك لما بنشوف تاني عم يتحروق من لوعة ونيران هجر الحبيب
بس آه ما فينا نقول غير قل نار جهنم أشد حراً لو كانوا يفقهون

يا اخي ويا اختي يلي واقعين بوادي هل المفهوم الغلط انا بقلكم

راجعوا انفسكم وانظروا للأمور بميزان الشرع
لانه والله كلنا مرجعنا للتراب وما حدا فينا بيعرف ايمتا رح تحين ساعة الصفر
ملاحظة ( يا شباب انا ما بقصد اننا نقتل المشاعر الحلوة يلي خلقها ربنا بقلوبنا
لانه هذا شي الله خلقوا وما في حدا بيقدر يتخلى عن هل المشاعر
بلعكس انا عم قول هي مشاعر حلوة بس لازم نوجهها بمسارها الصحيح يلي الله حلله
ولحتى يجي هل اليوم لازم نملي مكانها بعبادة ربنا وحب الله )